ছয়গাঁৱৰ পৰা ধীৰাজ কুমাৰ দাস: দক্ষিণ কামৰূপ জিলা ক্ৰীড়া সন্থাৰ চুপাৰ ডিভিজন আন্তঃ ক্লাব লীগ ফুটবল প্ৰতিযোগিতাখনি অহা ১০ আগষ্টৰ পৰা ছয়গাঁও মিনি ষ্টেডিয়ামত অনুষ্ঠিত হ’ব । ছয়গাঁও ক্ৰীড়া ক্ষেত্ৰৰ পুৰোধা ভাৰত চন্দ্ৰ দাসৰ সোঁৱৰণত জিলাখনৰ ১২ টা ক্লাৱৰ অংশগ্ৰহণেৰে প্ৰতিযোগিতাখন ছয়গাঁও ক্ৰীড়া সন্থা আৰু ছয়গাঁও এফ চিৰ যুটীয়া সহযোগত অনুষ্ঠিত হ’ব ।
আজি ছয়গাঁৱৰ স্নো হোৱাইটৰ সভাগৃহত আনুষ্ঠানিকভাৱে দক্ষিণ কামৰূপ জিলা ক্ৰীড়া সন্থাৰ সাধাৰণ সম্পাদক সুকুমাৰ মেধি আৰু ফুটবল সম্পাদক প্ৰসাদ ৰাভাই সংবাদসেৱীসকলক প্ৰতিযোগিতাখন সম্পৰ্কে জ্ঞাত কৰে । অনুষ্ঠানত লীগত অংশ গ্ৰহণকাৰী ক্লাবসমূহৰ প্ৰতিনিধিৰ লগতে ছয়গাঁও ক্ৰীড়া সন্থাৰ সভাপতি অম্বিকা প্ৰসাদ দেৱ শৰ্মা আৰু ছয়গাঁও এফ চিৰ সভাপতি বিশ্বজিৎ দাস উপস্থিত থকাৰ লগতে অনুষ্ঠানত বক্তব্য ৰাখে ।
চুপাৰ ডিভিজনত অংশগ্ৰহণৰ যোগ্যতা অৰ্জন কৰা ক্লাবসমূহ হ’ল – ক গ্ৰুপত ছয়গাঁও এফ চি, অসম ৰাইনো এফ চি,গোৱৰ্ধন এছ চি, চক্ৰপাণি এফ চি, হেপ্পী এছ চি, জনজাতীয় এছ চি , খ গ্ৰুপত কামৰূপা এফ চি, বকো এছ চি, সোণতলী এফ এ,নংবাগ এফ চি, নৱজাগৰণ এফ চি আৰু বনগাঁও এছ চি
