ডিজিটেল ডেস্ক,১৭ ছেপ্তেম্বৰ-মণিপুৰত প্ৰয়োজন হ’লে ভাৰতীয় বায়ু সেনাৰ যুদ্ধ বিমানে বোমা বিস্ফোৰণ আৰু ধ্বংস কৰা সকিয়ণি প্ৰদান ।মণিপুৰৰ পপি পথাৰত বোমা বিস্ফোৰণ আৰু ধ্বংস কৰাৰ বাবে ভাৰতীয় বায়ুসেনাৰ যুদ্ধ বিমান নিয়োগ কৰিব কেন্দ্ৰই।এই কথা উল্লেখ কৰিছে মণিপুৰ অখণ্ডতাৰ সমন্বয়ক সমিতিয়ে (কোক’মি) বুলি টিঅ’আইয়ে প্ৰকাশ কৰিছে।প্ৰতিবেদন অনুসৰি মণিপুৰৰ বিভিন্ন মেইটেই গোটৰ ইম্ফল ভিত্তিক ছাতি সংগঠন COCOMI – প্ৰতিৰক্ষা মন্ত্ৰী ৰাজনাথ সিঙে এই কথা আশ্বাস দিয়া বুলি উল্লেখ কৰিছে(‘If needed IAF will bomb & destroy)।
কোকমিয়ে কয় যে প্ৰতিৰক্ষা মন্ত্ৰী ৰাজনাথ সিঙে আশ্বাস দিয়ে যে যদি মণিপুৰ চৰকাৰে পপি পথাৰত বোমা বিস্ফোৰণৰ বাবে কেন্দ্ৰৰ কাষ চাপে তেন্তে আই এ এফে নিজৰ যুদ্ধ বিমান নিয়োগ কৰিব।COCOMI এ উল্লেখ কৰিছে যে “তৎকালীন মনোযোগৰ প্ৰয়োজনীয়তা প্ৰতিৰক্ষা মন্ত্ৰীৰ পৰা অনুৰোধ কৰা হৈছিল”, টি অ’ আইয়ে প্ৰকাশ কৰিছে।‘আই এ এফৰ বিমানেৰে পপি ধ্বংস কৰাৰ বাবেও তেওঁক অনুৰোধ কৰা হৈছিল।
প্ৰতিৰক্ষা মন্ত্ৰীয়ে আশ্বাস দিলে যে মণিপুৰ চৰকাৰে কেন্দ্ৰীয় চৰকাৰৰ কাষ চাপিলে সেয়া হ’ব।’- ক’ক’মিৰ উদ্ধৃতিৰে প্ৰতিবেদনত এইদৰে কোৱা হৈছে।ইয়াত লগতে কোৱা হৈছে যে দিল্লী মেইটেই সমন্বয় সমিতিৰ প্ৰতিনিধিয়ে শেহতীয়াকৈ ৰাজনাথ সিঙক সাক্ষাৎ কৰি “কুকি নাৰ্কো-সন্ত্রাসবাদীয়ে ৰাষ্ট্ৰীয় নিৰাপত্তাৰ প্ৰতি ভাবুকি”ৰ বিষয়ে অৱগত কৰে।
