ডিজিটেল ডেস্ক, ৭অক্টোবৰ: শনিবাৰে পুৱাই ইজৰাইলত পেলেষ্টাইনী সশস্ত্ৰ সংগঠন হামাছে ইজৰাইলত অভূতপূৰ্ব অনুপ্ৰৱেশ কৰি ৫ হাজাৰৰো অধিক ৰকেট নিক্ষেপ কৰাৰ পিছত এজন মেয়ৰকে ধৰি ছয়জন লোকৰ মৃত্যু হয়। এই ঘটনাই গাজা ষ্ট্ৰিপৰ পৰা অসংখ্য অনুপ্ৰৱেশ আৰু ৰকেট আক্ৰমণৰ পিছত ইজৰাইলে ‘যুদ্ধৰ অৱস্থা’ ঘোষণা কৰিবলৈ বাধ্য হয়।
ইজৰাইলে নিজৰ জনসাধাৰণক ঘৰৰ ভিতৰতে থাকিবলৈও আহ্বান জনায় আৰু গোটটোৱে নিয়ন্ত্ৰণ কৰা গাজা ষ্ট্ৰিপত হামাছৰ বিৰুদ্ধে প্ৰতিহত ‘অপাৰেচন আইৰন তৰোৱাল’ আৰম্ভ কৰে।
ইজৰাইলৰ সংবাদ মাধ্যমে হামা যোদ্ধাসকলে জব্দ কৰা ইজৰাইল সেনাৰ বাহনত স্থলপথেৰে নহয় পেৰাচুটৰ সহায়ত বিমানযোগে ইজৰাইলত অনুপ্ৰৱেশ কৰাৰ বাতৰি প্ৰকাশ কৰিছে। দক্ষিণ ইজৰাইলৰ কেইবাটাও ঠাইত যুদ্ধৰ বাতৰি পোৱা গৈছে। যুদ্ধৰ মাজতে মধ্য আৰু দক্ষিণ ইজৰাইলৰ বিমানবন্দৰসমূহে বাণিজ্যিক কাৰ্য্যকলাপ বন্ধ কৰি দিয়ে, টেল আভিভ বিমানবন্দৰৰ বাহিৰে, য’ত হাই এলাৰ্ট দিয়া হয়।
ইজৰাইলৰ সেনাই ইয়াৰ পূৰ্বে নিশ্চিত কৰিছিল যে “ইজৰাইলৰ ভূখণ্ডত কেইবাজনো সন্ত্ৰাসবাদীয়ে অনুপ্ৰৱেশ কৰিছে”। ইজৰাইলে হামাছক সন্ত্ৰাসবাদী গোট হিচাপে ঘোষণা কৰে।
