ডিজিটেল ডেস্ক, ANEWS24X7: পঞ্জাৱৰ চাহাবত শোকাৱহ দুৰ্ঘটনা ৷দেওবাৰে চহৰখনত এখন ৰে’লে মহতীয়াই নিলে ৪ টা শিশু ৷
দুৰ্ঘটনাটোৰ ফলত ৩ টি শিশু মৃত্যু হোৱাৰ লগতে আন এটি শিশু গুৰুত্বৰভাৱে আহত হয় ৷ ৰে’ললাইন পাৰ হোৱাৰ সময়তে সংঘটিত হয় এই শোকাৱহ দুৰ্ঘটনাটো ৷
এই ভয়াৱহ দুৰ্ঘটনাটো ছতলেজ নদীৰ ওপৰত লোহাণ্ড ৰে’ল দলঙত সংঘটিত হৈছে।সেই সময়ত ৰে’লখন ছাহাৰানপুৰৰ পৰা হিমাচল প্ৰদেশ অভিমুখে যাত্ৰা কৰিছিল। আহত শিশুটো আনন্দপুৰ চাহাবৰ অসামৰিক চিকিৎসালয়ত চিকিৎসাধীন হৈ আছে ।
এই ঘটনাকলৈ শোক প্ৰকাশ কৰিছে পঞ্জাৱৰ প্ৰাক্তন মুখ্যমন্ত্ৰী কেপ্তেইন অমৰিন্দৰ সিঙে ৷ এক টুইট যোগে শোক প্ৰকাশ কৰি প্ৰাক্তন মুখ্যমন্ত্ৰী গৰাকীয়ে শোক প্ৰকাশ কৰাৰ লগতে পঞ্জাৱ চৰকাৰক মৃতকৰ পৰিয়ালক যথাযথ ক্ষতিপূৰণ প্ৰদান কৰিবলৈ আহ্বান জনায় ৷
