ডিজিটেল ডেস্ক, ANEWS24X7: বলিউডত আকৌ এটা ভাল খবৰ ৷ ৰণবীৰ কাপুৰ আৰু আলিয়া ভট্টৰ পিছত পিতৃ-মাতৃ হ’বলৈ সাজু হৈছে অৰ্জুন কাপুৰ আৰু মালাইকা আৰোৰা ৷ অনুৰাগী সকলে অৰ্জুন কাপুৰ আৰু মালাইকা আৰোৰাৰ বিয়াৰ খবৰৰ বাবে অধীৰ আগ্ৰহেৰে ৰৈ থকাৰ সময়তে অনুৰাগী সকলক এক নতুন খবৰ দিবলৈ সাজু হৈছে বলিউডৰ প্ৰেমিক যুগলে ৷
বলিউডৰ খবৰ অনুসৰি অৰ্জুন-মালাইকা অহা মাহত লণ্ডনলৈ ৰাওনা হ’ব ৷ লণ্ডনৰ পৰা ঘুৰি আহি বি টাউনৰ চৰ্চিত প্ৰেমিক যুগলে এই সুখবৰটো সকলোকে প্ৰদান কৰিব ৷ মালাইকাৰ নতুন ৰিয়েলিটি শ্ব’ ‘মুভিং উইথ মালাইকা’ ডিচেম্বৰৰ প্ৰথম সপ্তাহৰ পৰা আৰম্ভ হ’ব ৷ যিটো ‘ডিজনী হটষ্টাৰ’ অ’টিটি প্লেটফৰ্মত দৰ্শকে দেখিবলৈ পাব ৷ ৫ ডিচেম্বৰৰ পৰা সম্প্ৰচাৰিত হ’ব লগীয়া এই অনুষ্ঠানটোত মালাইকা আৰোৰাৰ জীৱনৰ ভিতৰৰ কাহিনী জনা যাব ৷
অৱশ্যে অনুষ্ঠানটো আৰম্ভ হোৱাৰ আগতে অভিনেত্ৰীগৰাকী গৰ্ভৱতী হোৱাৰ খবৰে বহুতকে আচৰিত কৰিছে ৷ বৰ্তমান অৰ্জুন কাপুৰ বিদেশত দৃশ্যগ্ৰহণত ব্যস্ত ৷ আনহাতে মুম্বাইত আছে মালাইকা আৰোৰা ৷ মালাইকা সঁচাকৈয়ে গৰ্ভৱতী নেকি ? নে অনুষ্ঠান প্ৰচাৰৰ এটা নতুন ফিক ? সেয়া পৰৱৰ্তী সময়ত স্পষ্ট হ’ব ৷
