ডিজিটেল ডেস্ক, ANEWS24X7: মণিপুৰৰ নুন জিলাত ভয়ংকৰ পথ দুৰ্ঘটনা ৷ বুধবাৰে পুৱা এখন স্কুলবাছ নিয়ন্ত্ৰণ হেৰুৱাই দুৰ্ঘটনাত পতিত হয় ৷ স্কলবাছখন নিয়ন্ত্ৰণ হেৰুৱাই এটা খাৱৈত পৰেগৈ ৷ এই দুৰ্ঘটনাটোৰ ফলত ১৫ গৰাকী স্কুলীয়া ছাত্ৰ-ছাত্ৰীৰ লগতে কেইবাজনো লোক নিহত হৈছে ৷
প্ৰশাসনৰ সূত্ৰৰ খবৰ অনুসৰি, দুৰ্ঘটনাটোত বহুতো শিক্ষাৰ্থী আহত হৈছে ৷ তেওঁলোকৰ কিছুমানৰ অৱস্থা সংকটজনক ৷ ফলস্বৰূপে মৃত্যুৰ সংখ্যা আৰু বৃদ্ধি হ’ব পাৰে ৷স্থানীয় সূত্ৰৰ খবৰ অনুসৰি থৌবাল জিলাৰ য়াৰিপাকত ‘থাম্বালনু উ্চতপ মাধ্যমিক বিদ্যালয়ৰ ছাত্ৰ-ছাত্ৰী কঢ়িয়াই অনা দুখন বাছ শৈক্ষিক ভ্ৰমণত খাউপুমলৈ গৈ আছিল ৷
এই দুৰ্ঘটনাটো বিষ্ণুপুৰখাউপাম পথৰ লাংচাই টুবুং অঞ্চলত সংঘটিত হৈছিল ৷ আৰক্ষী আৰু স্থানীয় লোক ঘটনাস্থলীত উপস্থিত হৈ দুৰ্ঘটনাত পতিত স্কুল বাছ খনৰ পৰা ছাত্ৰ-ছাত্ৰী সকলক উদ্ধাৰ কৰিছিল ৷
