ডিজিটেল ডেস্ক, A NEWS 24×7 : সোমবাৰে সন্ধিয়া মুম্বাইৰ চেম্বুৰ অঞ্চলত সংগীত অনুষ্ঠানৰ সময়ত এজন লোকে আক্ৰমণ কৰে জনপ্ৰিয় গায়ক চনু নিগমক। ঘটনাটো সংঘটিত হোৱাৰ সময়ত চনুৰ সৈতে তেওঁৰ এজন বন্ধুও আছিল। পৰৱৰ্তীসময়ত চনু নিগমৰ দেহৰক্ষীয়ে তেওঁক উদ্ধাৰ কৰে।
বৰ্তমান চেম্বুৰৰ জৈন চিকিৎসালয়ত ভৰ্তি কৰোৱা হৈছে চনু নিগমক। বৰ্তমান সুস্থ আছে চনু নিগম।
চনু নিগমক আক্ৰমণ কৰা ব্যক্তিজন উদ্ধৱ ঠাকৰে গোটৰ এজন বিধায়কৰ পুত্ৰ বুলি জানিব পৰা গৈছে। উদ্ধৱ গোটৰ বিধায়ক প্ৰকাশ ফাটেৰপেকাৰৰ পুত্ৰৰ বিৰুদ্ধে এই অভিযোগ উত্থাপন হৈছে।
গায়কজনে ঘটনাটোৰ পিছত আৰক্ষী চকীত অভিযুক্তৰ বিৰুদ্ধে এখন এজাহাৰ দাখিল কৰিছিল। গোচৰত আঘাত, অন্যায়ভাৱে সংযম ৰখাৰ অভিযোগ দাখিল কৰিছে যদিও অভিযুক্তজনক এতিয়ালৈকে গ্ৰেপ্তাৰ কৰা নাই।
