ডিজিটেল ডেস্ক, anews24x7: সংবাদ সংস্থা এএফপিৰ বাতৰি অনুসৰি বাংলাদেশৰ ৰাজধানী ঢাকাৰ এটা অট্টালিকাত সংঘটিত বিস্ফোৰণত কমেও ১১ জন লোক নিহত আৰু ৭০ জনৰো অধিক লোক আহত হৈছে।
সংবাদ সংস্থা ৰয়টাৰৰ মতে, মঙলবাৰে ঢাকাৰ জনবহুল বজাৰ এলেকাত এই বিস্ফোৰণ সংঘটিত হয় বুলি স্থানীয় অগ্নি নিৰ্বাপক সেৱাৰ এজন বিষয়াই জনায়। বিস্ফোৰণৰ কাৰণ অস্পষ্ট আছিল, বিষয়াজনে কয় যে উদ্ধাৰ অভিযান চলি থকাৰ বাবে মৃত্যুৰ সংখ্যা বৃদ্ধি পাব পাৰে।
স্থানীয় সংবাদ মাধ্যমৰ খবৰ অনুসৰি বিস্ফোৰণৰ পিছত পাঁচটা অগ্নি নিৰ্বাপক গোট ঘটনাস্থলীলৈ ততাতৈয়াকৈ গৈছিল। বিডি নিউজ ২৪ নামৰ সংবাদ পৰ্টেলটোৱে জনোৱা অনুসৰি এই বিষ্ফোৰণ আবেলি প্ৰায় ৪:৫০ বজাত (স্থানীয় সময় অনুসৰি) সংঘটিত হৈছিল। প্ৰতিবেদন অনুসৰি আৰক্ষীচকী পৰিদৰ্শক বাচ্চু মিয়াই কয় যে আহত সকলক ঢাকা চিকিৎসা মহাবিদ্যালয়লৈ যোৱা হয়।
বিস্ফোৰণৰ ফলত ৰাস্তাৰ বিপৰীত ফালে থিয় হৈ থকা এখন বাছ ক্ষতিগ্ৰস্ত হয় বুলি প্ৰতিবেদনত কোৱা হৈছে। আৰক্ষী পৰিদৰ্শক বাচ্চু মিয়াই এএফপিক কৈছিল যে কমেও ৪৫ জন লোকক চিকিৎসাৰ বাবে চিকিৎসালয়লৈ লৈ যোৱা হৈছিল।
“মৃত সকলৰ ভিতৰত দুগৰাকী মহিলা আছে, বাকীসকল আঘাতপ্ৰাপ্ত চিকিৎসাধীন হৈ আছে,” বাচ্চু মিয়াই কয় যে অগ্নি নিৰ্বাপক সেৱাৰ এজন মুখপাত্ৰই ভৱনটোত কোনো জুই লগা বুলি উল্লেখ কৰিছে৷
