ডিজিটেল ডেস্ক, ANEWs24X7: এছিয়া কাপ ক্ৰিকেটত পাকিস্তানৰ হাতত পৰাজয় হ’ল আফগানিস্তান ৷ বুধবাৰে অনুষ্ঠিত হোৱা এই ৰোমাঞ্চকৰ খেলখনত পাকিস্তানৰ হাতত পৰাজয় হোৱাৰ পিছতে আফগানিস্তানৰ সমৰ্থক সকলৰ মাজত দেখা গ’ল তীব্ৰ হতাশা দেখিবলৈ পোৱা গ’ল ৷ ইয়াৰ বহিপ্ৰকাশ ঘটিল ডুবাইৰ শ্বাৰজাহ ষ্টেডিয়ামত ৷
বিজয়ৰ পিছত পাকিস্তানৰ অনুৰাগী সকলে বিজয় উল্লাহ কৰাৰ বিপৰিতে আফগানিস্তানৰ একাংশ অনুৰাগী খঙত উত্তেজিত হৈ পৰে ৷ উত্তেজিত আফগানিস্তান সমৰ্থক সকলে ষ্টেডিয়ামৰ চকীবোৰ ভাঙিবলৈ ধৰে ।
পৰৱৰ্তী সময়ত উত্তেজনা ইমানে বৃদ্ধি পায় যে পাকিস্তানৰ অনুৰাগী সকলৰ সৈতে হতাহতিত লিপ্ত হয় ৷ আফগানিস্তানৰ সমৰ্থক সকলে পাকিস্তানৰ সমৰ্থক সকললৈ লক্ষ্য কৰি চকীবোৰ দলিয়াই ৷ এই ঘটনাৰ সমগ্ৰ দৃশ্য কেমেৰাত বন্ধী হৈছে ৷ সম্প্ৰতি সামাজিক মাধ্যমত ভাইৰেল হৈছে সমগ্ৰ দৃশ্য ৷
