ডিজিটেল ডেস্ক,১৭ছেপ্তেম্বৰ: কেন্দ্ৰৰ প্ৰতিটো ৰাজনৈতিক দলে প্ৰধানমন্ত্ৰীক জনালে ৭৩বছৰীয়া জন্মদিনৰ শুভেচ্ছা ।২০২৪ চনৰ সাধাৰণ নিৰ্বাচনৰ প্ৰতিদ্বন্দ্বিতাত বিজেপি আবদ্ধ হৈ থকা বিৰোধী দলৰ INDIA ব্লকৰ নেতাসকলেও আজি পুৱা প্ৰধানমন্ত্ৰীক সম্ভাষণ জনায়(Opposition leaders from various political parties extended wishes to Prime Minister Narendra Modi)।
প্ৰধানমন্ত্ৰীক জন্মদিনৰ শুভেচ্ছা জনোৱা ভাৰতৰ নেতাসকলৰ ভিতৰত তৰ্কসাপেক্ষভাৱে প্ৰধানমন্ত্ৰীৰ আটাইতকৈ কঠোৰ সমালোচক কংগ্ৰেছৰ সাংসদ ৰাহুল গান্ধী, বিৰোধী দলসমূহক একত্ৰিত কৰাৰ ক্ষেত্ৰত গুৰুত্বপূৰ্ণ ভূমিকা গ্ৰহণ কৰা বিহাৰৰ মুখ্যমন্ত্ৰী তথা জনতা দল ইউনাইটেডৰ নেতা নীতিশ কুমাৰ, কংগ্ৰেছৰ সভাপতি মল্লিকাৰ্জুন খৰ্গে,এন চি পিৰ মুৰব্বী শাৰদ পাৱাৰ,প্ৰধানমন্ত্ৰীৰ ওপৰত তীব্ৰ আক্ৰমণৰ বাবে পৰিচিত দিল্লীৰ মুখ্যমন্ত্ৰী তথা আম আদমি পাৰ্টিৰ নেতা অৰবিন্দ কেজৰিৱাল, তৃণমূল কংগ্ৰেছৰ নেতা তথা মুখ্যমন্ত্ৰী মমতা বেনাৰ্জীৰ ভতিজা অভিষেক বেনাৰ্জী,কংগ্ৰেছ নেতা শশী থাৰুৰ লগতে কেৰেলাৰ মুখ্যমন্ত্ৰী তথা বাওঁপন্থী নেতা পিনাৰায়ী বিজয়নেও প্ৰধানমন্ত্ৰী গৰাকীক শুভেচ্ছা জনোৱাৰ লগতে তেওঁৰ সু-স্বাস্থ্য আৰু দীৰ্ঘায়ুৰ কামনা কৰে।
