গহপুৰৰ হাতীজানত বনৰীয়া হাতীৰ তাণ্ডৱ

ডিজিটেল ডেস্ক ANEWS24X7: গহপুৰত অব্যাহত আছে বন্য হস্তীৰ তাণ্ডৱ ৷ কাজিৰঙাৰ ষষ্ঠ সংযোজনৰ পৰা ওলাই অহা এটা ১৫-২০ জনীয়া হাতীৰ জাকে নিশা উপাদ্ৰৱ চলাই গহপুৰৰ হাতীজান অঞ্চলত ৷ অঞ্চলটোৰ কৃষিভূমিৰ লগতে , ঘৰ-বাৰী , খাদ্য সামগ্ৰী সকলো খাই তহিলং কৰে হাতীৰ জাকটোৱে ৷

বন্য হস্তীৰ তাণ্ডৱ অঞ্চলটোৰ বাবে এতিয়া নিয়মীয়া অভ্যাসলৈ পৰিণত হৈছে ৷ কুম্ভ কৰ্ণৰ নিদ্ৰামগ্ন বনবিভাগ ।স্থানীয় ৰাইজে বন বিভাগক বাৰম্বাৰ জনোৱাৰ পিছতো বৰ্তমানলৈকে লোৱা নাই কোনো ৱ্যৱস্থা ৷

স্থানীয় ৰাইজে ক্ষোভ উজাৰে বন বিভাগৰ বিৰুদ্ধে ৷ চৰকাৰক ক্ষতিপূৰণ দিবৰ বাবে আহ্বান জনায় ভুক্তভোগী ৰাইজে ৷