ডিজিটেল ডেস্ক ANEWS24X7: নকল সোণৰ বিৰুদ্ধে নগাঁও আৰক্ষীৰ বৃহৎ অভিযান ৷ নগাঁৱৰ নাগাবান্ধাত হয়বৰগাঁও আৰক্ষীয়ে অভিযান চলাই আটক কৰে চাৰিটা নকল সোণৰ ব্যৱসায়ীক । আৰক্ষীয়ে আটক কৰা এই নকল সোণৰ ব্যৱসায়ী চাৰিজনে মুম্বাইৰ দুজন লোকক নকল সোণখিনি বিক্ৰী কৰাৰ পৰিকল্পনা কৰিছিল ৷ হয়বৰগাঁও আৰক্ষীয়ে এক বিশেষ খবৰৰ ভিত্তিত কাতিমাৰীৰ নাগাবন্ধাৰ পৰা নকল সোণ সহ কেইবাটাও মোবাইল ফোন জব্দ কৰিছে ।
আৰক্ষীয়ে আটক কৰা নকল সোণৰ ব্যৱসায়ী কেইজন নাগাবন্ধাৰ চাহানুৰ আলম, মজিবুৰ ৰহমান, নবাব আলী আৰু ৰফিকুল ইছলাম। উল্লেখ্য যে নগাঁৱত বিগত কিছুদিন ধৰি কিছু অসামাজিক চক্ৰই নকল টকা বনোৱা মেচিন , জালন’ট আৰু নকল সোণৰ ব্যৱসায়ীৰ পোহাৰ মেলিছে ৷ ইতিমধ্যে নগাওঁ আৰক্ষীয়ে যোৱা এটা পষেকত চাৰিটাকৈ এনে অবৈধ্য ঘাটি উৎখাত কৰিছে ৷ নকল সোণ আৰু জালনোট ব্যৱসায়ত জড়িত আটাই কেইটা অপৰাধীৰ যোগসুত্ৰ লখিমপুৰ জিলাৰ বুলি জানিব পৰা গৈছে ।
