ডিজিটেল ডোস্ক ANEWS24X7: তেলেংগনাৰ ছেকেন্দ্ৰাবাদত ভয়ংকৰ অগ্নিকাণ্ড ৷ সোমবাৰে নিশা ছেকেন্দ্ৰাবাদৰ এখন হোটেলত সংঘটিত হয় এই ভয়াবহ অগ্নিকাণ্ডটো ৷ অগ্নিকাণ্ডটোৰ ফলত নিহত হৈছে ৮ জন লোকৰ ৷ আহতসকলক চিকিৎসালয়ত ভৰ্তি কৰোৱা হৈছে। এটা বহুমহলীয়া অট্টালিকাৰ প্ৰথম মহলাত থকা এটা বৈদ্যুতিক স্কুটাৰ ৰিচাৰ্জিং ইউনিটৰ পৰা অগ্নিকাণ্ডৰ সূত্ৰপাত হয় ।
মুহূৰ্ততে জুই দুই মহলা আৰু তিনি মহলালৈ বিয়পি পৰিছিল আৰু চাৰিওফালে ক’লা ধোঁৱাই আৱৰি ধৰিছিল । অগ্নিকাণ্ড সংঘটিত হোৱাৰ পিছত বহুতেই নিজৰ প্ৰান বচাবলৈ অট্টালিকাৰ খিৰিকীৰে জঁপিয়াই আঘাতপ্ৰাপ্ত হয় ।
তেলেংগানাৰ গৃহ মন্ত্ৰী মহম্মদ মাহমুদ আলীয়ে ঘটনাটোত শোক প্ৰকাশ কৰি কয় যে “ এইটো এটা অতি দুৰ্ভাগ্যজনক ঘটনা। অগ্নিনিৰ্বাপক বাহিনীয়ে হোটেলখনত আৱদ্ধ অতিথিসকলক উদ্ধাৰ কৰিবলৈ যথাসাধ্য চেষ্টা কৰে। কিন্তু প্ৰচণ্ড ধোঁৱাৰ ফলত শ্বাসৰুদ্ধ হৈ কেইজনমান লোকৰ মৃত্যু হৈছে । অগ্নিকাণ্ড কেনেকৈ সংঘটিত হৈছিল জানিবলৈ এটা তদন্ত আৰম্ভ কৰা হ’ব। ’’
