চত্তীশগড়ত চূনশিল খনিত ভয়ংকৰ স্খলন, নিহত ৭ জন

ডিজিটেল ডেস্ক, ANEWS24X7: চূণশিন খনিত ভয়ংকৰ স্খলন ৷ চূনশিল স্খলনৰ ফলত ৭ জন শ্ৰমিকৰ মৃত্যু হৈছে ৷ নিহত শ্ৰমিক সকলৰ ভিতৰত ৬ গৰাকী মহিলা ৷ খনিৰ ভিতৰত আবদ্ধ হৈ আছে আন কেইবাগৰাকী শ্ৰমিক ৷

এই ভয়ংকৰ চূনশিল স্খলনৰ ঘটনা সংঘটিত হৈছে চত্তীশগড়ৰ বাস্তৰ জিলাৰ এটা চূনশিল খনিত ৷

আৰক্ষী সূত্ৰৰ খবৰ অনুসৰি চত্তীশগড়ৰৰ নগনা আৰক্ষী থানাৰ মালগাঁৱৰ সমীপৱৰ্তী এটা চূণশিলৰ কুৱেৰীত শুকুৰবাৰে হঠাতে স্খলন ঘটে। খবৰ লাভ কৰাৰ পিছত ঘটনা স্থলীত উদ্ধাৰকাৰীৰ দল উপস্থিত হৈ উদ্ধাৰ অভিযান চলায় ৷

ধ্বংসস্তুৱৰ মাজৰ পৰা উদ্ধাৰকাৰীৰ দলে উদ্ধাৰ কৰে ৭ জন শ্ৰমিক কেইজনক ৷ ইয়াৰে ২ জনক জীৱন্তে উদ্ধাৰ কৰা হয় যদিও চিকিৎসালয়লৈ নিয়াৰ পথত শ্ৰমিক দুজনৰ মৃত্যু হয় ৷