শ্ৰেণীকোঠাত ভিডিঅ’ বনাই বহিষ্কৃত হ’ল ৮ গৰাকী ছাত্ৰ-ছাত্ৰী

ডিজিটেল ডেস্ক, ANEWS24X7: শ্ৰেণীকোঠাৰ ভিতৰত ভিডিঅ’ বনাই বিপদত ছাত্ৰ-ছাত্ৰী ৷ বহিষ্কৃত হ’ব লগিয়া হ’ল ৮ গৰাকী ছাত্ৰ-ছাত্ৰী ৷ এই ঘটনা সংঘটিত হৈছে কৰিমগঞ্জৰ বাৰৈগ্ৰামৰ জফৰগড় মাধ্যমিক বিদ্যালয়ত ৷

বহিষ্কৃত ছাত্ৰ-ছাত্ৰী সকলৰ ভিতৰত আছে পাঁচগৰাকী ছাত্ৰী আৰু তিনিগৰাকী ছাত্ৰ ৷ বহিষ্কৃত ছাত্ৰ-ছাত্ৰী সকল নৱম আৰু দ্বাদশ শ্ৰেণীৰ অধ্যয়ণৰত ৷ শ্ৰেণীকোঠাৰ ভিতৰত ভিডিঅ’ বনোৱাৰ বাবে এই শাস্তিমূলক পদক্ষেপ গ্ৰহণ কৰিছে বিদ্যালয় কৰ্তৃপক্ষই ৷

শাস্তিমূলক ভাৱে বহিষ্কৃত ছাত্ৰ-ছাত্ৰী কেইজনে বিদ্যালয়ত উপস্থিত থাকিব নোৱাৰিব ৷ ইয়াৰ বিপৰিতে পৰীক্ষাত অৱতীৰ্ণ হ’ব পাৰিব ৷সম্প্ৰতি এই ঘটনাকলৈ সমগ্ৰ ৰাজ্যতে প্ৰতিক্ৰিয়াৰ সৃষ্টি হৈছে ৷