ডিজিটেল ডেস্ক, ANEWS24X7: ভাৰতীয় জনতা পাৰ্টিৰ (বিজেপি) ৰাষ্ট্ৰীয় সভাপতি হিচাপে জে পি নাড্ডাৰ কাৰ্যকাল মঙলবাৰে দলটোৰ ৰাষ্ট্ৰীয় কাৰ্যনিৰ্বাহকে বঢ়াই দিছিল। তেওঁ জুন ২০২৪ লৈকে বিজেপিৰ মুৰব্বী হৈ থাকিব। বিজেপিৰ কাৰ্যনিৰ্বাহক সভাৰ সামৰণি দিনটোত ভাষণৰ সময়ত কেন্দ্ৰীয় মন্ত্ৰী অমিতশ্বাহে এই কথা ঘোষণা কৰে।
২০২০ চনৰ ২০ জানুৱাৰীৰ পৰা বিজেপিৰ সভাপতি হিচাপে থকা নড্ডা আৰু ২০১৯ চনৰ জুন মাহৰ পৰা ২০২০ চনৰ জানুৱাৰীলৈকে বিজেপিৰ কাৰ্যকৰী সভাপতি হিচাপেও কাৰ্যনিৰ্বাহ কৰিছিল। তেতিয়াৰ দলৰ সভাপতি অমিত শ্বাহৰ ঠাইত তেওঁ বিজেপিৰ কাৰ্যকৰী সভাপতি হিচাপে কাৰ্যনিৰ্বাহ কৰিছিল।
নাড্ডা হিমাচল প্ৰদেশৰ পৰা ৰাজ্যসভাৰ সদস্য তথা ভাৰতীয় জনতা পাৰ্টিৰ সংসদীয় ব’ৰ্ডৰ সম্পাদক । ইপিনে জে পি নাড্ডাৰ সভাপতিত্বত এই বছৰ নখন ৰাজ্যিক নিৰ্বাচনত প্ৰতিদ্বন্দিতা কৰিব।
ৰাজ্যকেইখন ক্ৰমে ত্ৰিপুৰা, নাগালেণ্ড, মেঘালয়, কৰ্ণাটক, মিজোৰাম, ছত্তীশগড়, ৰাজস্থান, মধ্য প্ৰদেশ আৰু তেলেংগানা।ইপিনে জম্মু আৰু কাশ্মীৰৰ কেন্দ্ৰীয় শাসিত অঞ্চলতো নিৰ্বাচন অনুষ্ঠিত হ’ব পাৰে।
আনহাতে পৰৱৰ্তী লোকসভা নিৰ্বাচন ২০২৪ চনৰ মে মাহত অনুষ্ঠিত হ’ব, জে পি নাড্ডাৰ আটাইতকৈ গুৰুত্বপূৰ্ণ দায়িত্ব হ’ব প্ৰধানমন্ত্ৰী মোডীৰ বাবে পোনপটীয়াকৈ তৃতীয়বাৰৰ বাবে জয়লাভ কৰা। ইয়াৰ মাজতে, তেওঁ দলৰ নেতাসকলৰ মাজৰ পাৰ্থক্যও আঁতৰাব লাগিব।
