ডিজিটেল ডেস্ক, A NEWS 24X7 : আজি সামৰণি পৰিব আৰক্ষী সঞ্চালকপ্ৰধানগৰাকীৰ ভাস্কৰজ্যোতি মহন্তৰ কাৰ্যকাল। বিদায় উপলক্ষে কাহিলিপাৰাত অৱস্থিত ৪নং চতুৰ্থ অসম আৰক্ষী বেটেলিয়নত আনুষ্ঠানিকভাৱে বিদায় জনায় আৰক্ষী সঞ্চালকপ্ৰধানগৰাকীক। আয়োজন কৰে এক বিদায়ী পেৰেডৰ।
অনুষ্ঠানত পেৰেডত অংশ লোৱা প্ৰতিগৰাকী আৰক্ষীলৈ অভিনন্দন জ্ঞাপন কৰে ভাস্কৰজ্যোতি মহন্তই। নিজৰ ভাষণত মহন্তই কয়, আৰক্ষীত কাম কৰাসকলে কেৱল এটা চাকৰিয়েই নকৰে, ই এটা সেৱা। অসম আৰক্ষীক সদায় মই ছেল্যুট জনাই যাম।
ভাস্কৰজ্যোতি মহন্তৰ পিছতে অসম আৰক্ষীৰ সঞ্চালকপ্ৰধান হিচাপে কাৰ্যভাৰ গ্ৰহণ কৰিব আই পি এছ বিষয়া জি পি সিঙে।
