ডিজিটেল ডেস্ক, anews24x7: ২০০১ চনৰ পৰা ২০০৮ চনলৈকে পাকিস্তানৰ ৰাষ্ট্ৰপতি মুশ্বাৰফে অংগ আৰু কলাত এমাইল’ইড নামৰ অস্বাভাৱিক প্ৰ’টিন জমা হোৱাৰ ফলত বিৰল ৰোগ এমাইল’ইড’ছিছত আক্ৰান্ত হৈছিল বুলি ড’নৰ এক প্ৰতিবেদনত প্ৰকাশ পাইছে। ১৯৯৯ চনত কাৰ্গিল যুদ্ধৰ পিছত অভ্যুত্থানৰ জৰিয়তে ক্ষমতা দখল কৰাত পিছলৈ আফগানিস্তানত আমেৰিকাৰ যুদ্ধত গুৰুত্বপূৰ্ণ মিত্ৰ হিচাপে পৰিগণিত হোৱা চাৰি তাৰকাযুক্ত জেনেৰেল পাকিস্তানৰ প্ৰাক্তন ৰাষ্ট্ৰপতি পাৰভেজ মুশ্বাৰফৰ দীৰ্ঘদিনীয়া অসুস্থতাৰ অন্তত দেওবাৰে ডুবাইৰ এখন চিকিৎসালয়ত মৃত্যু হয়।
তেওঁৰ বয়স আছিল ৭৯ বছৰ। ইপিনে পাকিস্তানৰ সংবাদ মাধ্যমত প্ৰকাশ পোৱা বাতৰি অনুসৰি মুশ্বাৰফে এমাইল’ইড’ছিছৰ চিকিৎসাধীন হৈ আছিল যিটো অংগ আৰু কলাত এমাইল’ইড নামৰ অস্বাভাৱিক প্ৰ’টিন জমা হোৱাৰ ফলত হোৱা বিৰল ৰোগ। ২০১৬ চনৰ মাৰ্চ মাহৰ পৰা ডুবাইত স্বয়ং জাপিত নিৰ্বাসিত হৈ আছিল আৰু ২০০৭ চনত সংবিধান স্থগিত ৰখাৰ বাবে দেশদ্ৰোহৰ গোচৰৰ সন্মুখীন হৈছিল।প্ৰাক্তন প্ৰধানমন্ত্ৰী বেনজিৰ ভুট্টোৰ হত্যা আৰু লাল মছজিদ ঘেৰাওৰ সৈতে জড়িত গোচৰতো তেওঁক পলাতক বুলি ঘোষণা কৰা হৈছিল ।
১৯৯৯ চনত নৱাজ শ্বৰীফ চৰকাৰৰ সামৰিক অধিগ্ৰহণৰ পিছত ক্ষমতালৈ অহা মুশ্বাৰফে প্ৰথমে ‘মুখ্য কাৰ্যবাহী’হিচাপে কাৰ্যনিৰ্বাহ কৰিছিল । তাৰ পিছত ২০০১ চনৰ জুন মাহত পাকিস্তানৰ দশম ৰাষ্ট্ৰপতি হৈছিল।২০০৮ চনৰ আগষ্ট মাহত সম্ভাৱ্য অভিযোগনামাৰ সন্মুখীন হোৱাৰ পিছত তেওঁ পদত্যাগ কৰিছিল।
ইফালে আকৌ২০২২ চনৰ জুন মাহত মুশ্বাৰফৰ পৰিয়ালে ঘোষণা কৰিছিল যে তেওঁক এমাইল’ইড’ছিছত আক্ৰান্ত হৈ চিকিৎসালয়ত ভৰ্তি কৰা হৈছে।
পাকিস্তানৰ সেনা, নৌসেনা আৰু বায়ুসেনাৰ মুৰব্বীসকলে তেওঁৰ মৃত্যুত শোক প্ৰকাশ কৰিছে বুলি ৰয়টাৰে সামৰিক বাহিনীৰ জনসংযোগ শাখাৰ উদ্ধৃতিৰে প্ৰকাশ কৰিছে।
