ডিজিটেল ডেস্ক ANEWS24X7: ক’ৰোণা মহামাৰীৰ ফলত সমগ্ৰ বিশ্বতে দেখা দিছে তীব্ৰ অৰ্থিক সংকটে ৷ ইয়াৰ পিছতে ৰাছিয়া আৰু ইউক্ৰেইনৰ যুদ্ধই বিশ্ববাসীক আৰু অধিক সংকটৰ দিশে ঠেলি দিছে ৷ এনে উত্তেজনাৰ মাজতে ইউৰোপীয় দেশ সমূহলৈ আহিছে এটা বেয়া খবৰ ৷
৩১ আগষ্টৰ পৰা ৩ চেপ্তেম্বৰলৈ গেছ পাইপলাই বন্ধ কৰিছে ৰাছিয়াই ৷ ৰাছিয়াৰ চৰকাৰী কোম্পানী গেজপ্ৰমে পাইপলাইনত গেছৰ যোগান বন্ধ কৰিছে ৷ ইয়াৰ ফলত তীব্ৰ সংকটত পৰিব ইউৰোপৰ দেশ সমূহ ৷ ৰাছিয়াই ইতিমধ্যে বুলগেৰিয়া, ডেনমাৰ্ক, ফিনলেণ্ড, নেডাৰলেণ্ড আৰু পোলেণ্ডলৈ গেছ যোগান বন্ধ কৰি দিছে। ইয়াকে লৈ উদ্বেগ বৃদ্ধি পাইছে ইউৰোপৰ দেশ সমূহত ৷
অৱশ্যে ৰাছিয়াই মেৰামতিৰ বাবে গেছ পাইপলাইন বন্ধ কৰা হৈছে বুলি উল্লেখ কৰিছে ৷ এই সন্দৰ্ভত প্ৰতিক্ৰিয়া প্ৰকাশ কৰিছে জাৰ্মানীৰ বিত্ত মন্ত্ৰী ৰবৰ্ট হেবেকে ৷ হেবেকে কয় যে ,‘‘পাইপলাইনত কোনো কাৰিকৰী বিজুতি হোৱা নাই ৷ ৰাছিয়াই ইচ্ছাকৃত ভাবে পাইপলাইন বন্ধ কৰিছে ৷’’ উল্লেখ্য যে , এনে পৰিস্থিতিৰ বাবে ইউৰোপৰ ১৯ খন দেশত জুলাই মাহৰ তুলনাত আগষ্ট মাহত মুল্যবৃদ্ধিৰ হাৰ ৯.১ শতাংশলৈ বৃদ্ধি পাইছে ৷
