ডিজিটেল ডেস্ক, anews24x7: ‘অনুপমা’ ছবিখনত ৰূপালী গাংগুলীৰ বন্ধু দেৱিকাৰ স্বামীৰ চৰিত্ৰত অভিনয় কৰা নীতিশ পাণ্ডেৰ দেহাৱসান। ২৩ মে’ৰ নিশা হৃদযন্ত্ৰৰ ক্ৰিয়া বন্ধ হৈ মৃত্যু হয়। অভিনেতাজনৰ বয়স আছিল ৫১ বছৰ।
এতিয়া এই শ্ব’ত ৰূপালী গাংগুলীৰ বন্ধু দেৱিকাৰ স্বামীৰ চৰিত্ৰত অভিনয় কৰিছিল। এই কথা শুনি সমগ্ৰ টিভি উদ্যোগত শোকৰ ঢৌ বিয়পি পৰিছে। এই খবৰ কোনেও বিশ্বাস কৰিব পৰা নাই।
দীৰ্ঘদিন ধৰি টিভি উদ্যোগৰ অংগ হৈ থকা নীতিশ পাণ্ডেক নিয়মীয়াকৈ অনুপমা শ্ব’ত দেখা গৈছিল। এতিয়া এই খবৰৰ বাবে কেৱল পৰিয়ালৰ লোকেই নহয় অনুৰাগীসকলো শোকত নিমগ্ন হৈ পৰিছে। এই খবৰটো ছ’চিয়েল মিডিয়াতো ক্ৰমান্বয়ে ভাইৰেল হৈ পৰিছে। এই খবৰ নিশ্চিত কৰিছে সাহিত্যিক সিদ্ধাৰ্থ নগৰে
নীতিশ পাণ্ডেৰ মৃত্যুৰ খবৰ নিশ্চিত কৰিছে সাহিত্যিক সিদ্ধাৰ্থ নগৰে। এই বিষয়ে লেখকে ফেচবুক পোষ্টৰ জৰিয়তে অনুৰাগীসকলক অৱগত কৰিছে। নীতিশ শ্বুটিংৰ বাবে ইগাটপুৰলৈ গৈছিল। তাত ৰাতি ১:৩০ মান বজাত তেওঁৰ হৃদযন্ত্ৰ বন্ধ হৈ গ’ল।
অভিনেতা নীতিশ পাণ্ডেই বলীউডতো নিজৰ অভিনয়ৰ দক্ষতা প্ৰদৰ্শন কৰিছে। ১৯৭৩ চনৰ ১৭ জানুৱাৰীত জন্মগ্ৰহণ কৰা নীতিশ পাণ্ডে টিভি জগতত ভাল নাম অৰ্জন কৰিছিল। কেৱল এয়াই নহয়, বলীউডৰ কিং খানৰ সৈতে ‘ওম শান্তি ওম’ ছবিতো কাম কৰিছে অভিনেতাগৰাকীয়ে। অনুপমা শ্ব’ত নীতিশৰ চৰিত্ৰকো দৰ্শকে প্ৰশংসা কৰে।
