ডিজিটেল ডেস্ক,১৪ ছেপ্তেম্বৰ: বাতৰি অচিৰেই ১০০০ কোটি টকাৰ অনলাইন পঞ্জী কেলেংকাৰিৰ সন্দৰ্ভত গোবিন্দক সোধা-পোছা কৰিব ওড়িশাৰ অৰ্থনৈতিক অপৰাধ শাখাই (Govinda to be probed on Rs 1,000 crore ponzi scam)। অভিনেতাগৰাকীয়ে সৰ্বভাৰতীয় কেলেংকাৰী চলোৱাৰ দোষী সাব্যস্ত হোৱা ছ’লাৰ টেকন’ এলায়েন্স নামৰ কোম্পানী এটাৰ সামগ্ৰীৰ সমৰ্থন কৰিছিল আৰু জুলাই মাহত গোৱাত অনুষ্ঠিত হোৱা মেগা ইভেণ্টতো অংশগ্ৰহণ কৰিছিল।
তদন্তকাৰী সংস্থাটোৱে এতিয়া অভিনেতাগৰাকীৰ কোম্পানীটোৰ সৈতে সম্পৰ্ক জানিব বিচাৰিছে আৰু এই গোচৰৰ অধিক সূত্ৰ বিচাৰিবলৈ তেওঁক জেৰা কৰা হ’ব।জানিব পৰা মতে এক আড্ডাত ই অ’ ডব্লিউৰ মহাপৰিদৰ্শক জে এন পংকজে কয় যে, ‘জুলাই মাহত গোৱাত এছ টি এৰ গ্ৰেণ্ড ফাংচনত অংশগ্ৰহণ কৰা আৰু কিছুমান ভিডিঅ’ত কোম্পানীটোৰ প্ৰচাৰ কৰা ফিল্মষ্টাৰ গোবিন্দক প্ৰশ্ন কৰিবলৈ আমি অতি সোনকালে মুম্বাইলৈ এটা দল প্ৰেৰণ কৰিম।’
তেওঁ লগতে কয়, ‘আপাততঃ অভিনেতাজন সন্দেহযুক্ত বা অভিযুক্তও নহয়। গোচৰটোত তেওঁৰ সঠিক ভূমিকা তদন্তৰ পিছতহে জানিব পৰা যাব। যদি আমি দেখিবলৈ পাওঁ যে তেওঁলোকৰ ব্যৱসায়িক চুক্তি অনুসৰি তেওঁৰ ভূমিকা কেৱল প্ৰডাক্টটোৰ সমৰ্থনত সীমাবদ্ধ আছিল, তেন্তে আমি তেওঁক আমাৰ ক্ষেত্ৰত সাক্ষী কৰিম।’ খবৰ অনুসৰি কোম্পানীটোৱে ভাৰতৰ ৰিজাৰ্ভ বেংকৰ পৰা কোনো অনুমোদন অবিহনে দেশৰ ২ লাখৰো অধিক লোকৰ পৰা ১০০০ কোটি টকাৰ জমা ধন সংগ্ৰহ কৰিছিল।
