কাৰাগাৰতে পুনৰ গ্ৰেপ্তাৰ ঘনকান্ত গগৈক

জানিব পৰা মতে, ডিমৌ থানাত ১০৮/২৪ নম্বৰত পঞ্জীয়ন হৈ আছে ঘনকান্ত গগৈৰ বিৰুদ্ধে এটা গোচৰ। TATA Hitachiৰ Excavator ক্ৰয়ক কেন্দ্ৰ কৰি তেওঁৰ বিৰুদ্ধে এজাহাৰ দাখিল কৰা হৈছিল। Excavator ক্ৰয়ৰ নামত ধন সংগ্ৰহ কৰাৰ লগতে চুক্তি উলংঘা কৰাৰ অভিযোগ উত্থাপন হৈছিল ঘনকান্তৰ বিৰুদ্ধে। এজাহাৰত কেইবাটাও গুৰুতৰ অভিযোগ উল্লেখ কৰা হৈছিল।

এই গোচৰতে ঘনকান্তক আদালতত হাজিৰ কৰোৱাৰ বাবে মঙলবাৰে শিৱসাগৰ আৰক্ষীয়ে আদালতত আবেদন জনাইছিল। আদালতে আৰক্ষীৰ আবেদন মঞ্জুৰ কৰে। ইয়াৰ পাছতে শিৱসাগৰ আৰক্ষীৰ এটা বৃহৎ দল চাৰিখন বাহনেৰে গুৱাহাটীত উপস্থিত হৈছে। দলটোত পৰিদৰ্শক পৰ্যায়ৰ বিষয়াও আছে।