ডিজিটেল ডেস্ক,৫ অক্টোবৰ: দিল্লীৰ উপ মূখ্যমন্ত্ৰী মনীষ চিছদিয়াৰ গোচৰক লৈ উচ্চতম ন্যায়ালয়ে সিদ্ধান্ত লোৱাত চিন্তিত ।আদালতে স্বীকাৰ কৰে যে এই ধৰণৰ গোচৰত প্ৰমাণৰ শৃংখল স্থাপন কৰাটো কঠিন, কিন্তু তেনে কৰাটো সংস্থাসমূহৰ কাম বুলি কয়।সুৰা নীতিৰ গোচৰত দিল্লীৰ প্রাক্তন উপ-মুখ্যমন্ত্রী মনীষ চিছ’দিয়াৰ জামিন আৱেদন শুনানিৰ সময়ত কিছু সবল পৰ্যবেক্ষণ কৰি উচ্চতম ন্যায়ালয়ে প্রমাণৰ শৃংখল সম্পূর্ণৰূপে প্রতিষ্ঠিত হোৱা নাই বুলি উল্লেখ কৰিছে৷
ইয়াৰ উপৰিও ব্যৱসায়ী দীনেশ অৰোৰাৰ বক্তব্যৰ বাহিৰে মিষ্টাৰ চিছ’ডিয়াৰ বিৰুদ্ধে প্ৰমাণ ক’ত আছে বুলিও সোধপোছ কৰে আৰু অৰোৰা নিজেই এই গোচৰৰ অভিযুক্ত ।পিছে এই গোচৰৰ অভিযুক্ত-অনুমোদকলৈ পৰিণত হোৱা দীনেশ অৰোৰাই শেহতীয়াকৈ জামিন লাভ কৰে ।ন্যায়াধীশ সঞ্জীৱ খান্না আৰু ন্যায়াধীশ এছ ভি এন ভট্টীৰে গঠিত বিচাৰপীঠখনে সংস্থাসমূহৰ গোচৰটো হ’ল মনিষ ছিছ’দিয়াই ধন লাভ কৰা বুলি উল্লেখ কৰি তথাকথিত সুৰা গোটৰ পৰা ধন কেনেকৈ তেওঁৰ ওচৰলৈ আহিল বুলি প্ৰশ্ন কৰে ।
100 কোটি আৰু 30 কোটি টকাৰ কথা উল্লেখ কৰি কোনে তেওঁলোকক এইখিনি দিলে বুলি প্ৰশ্ন কৰে ? ইমানবোৰ মানুহে টকা দি থাকিব পাৰে – সুৰাৰ লগত জড়িত হ’বই লাগিব বুলি ক’ব নোৱাৰি। প্ৰমাণ ক’ত? দীনেশ অৰোৰা নিজেই গ্ৰহণকাৰী ।দীনেশ অৰোৰাৰ বক্তব্যৰ বাহিৰে আন কোনো প্ৰমাণ আছেনে ন্যায়াধীশ খান্নাই এনেদৰে প্ৰশ্ন কৰে।
বিচাৰপীঠে সমগ্ৰ বিষয়টো পৰ্যবেক্ষণ কৰি স্বীকাৰ কৰে যে শৃংখলটো স্থাপন কৰাটো কঠিন কাৰণ সকলো কাম ঢাকি ৰাখি কৰা হৈছিল।বলবৎকাৰী সঞ্চালকালয় আৰু কেন্দ্ৰীয় তদন্তকাৰী ব্যুৰোৰ কথা উল্লেখ কৰি ন্যায়াধীশ খান্নাই কয় যে, ‘কিন্তু তাতেই আপোনাৰ দক্ষতাৰ কথা আহি পৰে।
