ডিজিটেল ডেস্ক, ANEWS24X7: কাশ্মীৰ উপত্যকাত অব্যাহত আছে সন্ত্ৰাসবাদী বিৰোধী অভিযান । বুধবাৰে নিশা জম্মু-কাশ্মীৰৰ ৰাজধানী শ্ৰীনগৰৰ উপকণ্ঠৰ নাওগাম অঞ্চলত হোৱা এক সংঘৰ্ষত নিহত হয় দুজন সন্ত্ৰাসবাদী । নিৰ্দিষ্ট তথ্যৰ ভিত্তিত নিৰাপত্তাবাহিনীয়ে সন্ত্ৰাসবাদী সংগঠন আনছাৰ গজৱত-উল-হিন্দৰ ঘাটিত এক অভিযান চলাই ।
অভিযানকালত নিৰাপত্তাবাহিনী আৰু সন্ত্ৰাসবাদীৰ মাজত হোৱা সংঘৰ্ষত ৰছুল নাজাৰ আৰু শ্বাহিদ আহমেদ ওৰফে আবু হামজা নামৰ দুজন সন্ত্ৰাসবাদী নিহত হয় ।
চলিত মাহৰ আৰম্ভণিতে পুলৱামাত এজন শ্ৰমিকক গুলীয়াই হত্যা কৰা ঘটনাৰ লগত জৰিত আছিল এই দুজন সন্ত্ৰাসবাদী ।
আল-কায়দাৰ আদৰ্শত বিশ্বাসী আনছাৰ গজৱত-উল-হিন্দৰ উগ্ৰপন্থী সংগঠটোৱে কাশ্মীৰ উপত্যাকাত সংঘটিত কেইবাটাও সন্ত্ৰাসবাদী কাৰ্যকলাপৰ লগত জৰিত হৈ আছে ।পাকিস্তানৰ গুপ্তচৰ সংস্থা আই এছ আইৰ সমৰ্থিত উগ্ৰপন্থী সংগঠনটোৰ মুল লক্ষ্য হৈছে নিৰাপত্তা বাহিনী আৰু কাশ্মীৰী পণ্ডিতসকল।
