ডিজিটেল ডেস্ক, ANEWS24X7: জম্মু-কাশ্মীৰত ভয়ংকৰ হিমস্খলন ৷ শুক্ৰবাৰে জম্মু-কাশ্মীৰৰ কুপৱাৰা জিলাত সংঘটিত হয় ভয়ানক হিমস্খলনতো ৷ হিমস্খলনটোৰ ফলত ভাৰতীয় সেনাৰ তিনিগৰাকী জোৱানৰ মৃত্যু হয় ৷
হিমস্খলনে কুপৱাৰাৰ মাচিল ছেক্টৰত ভাৰতীয় সেনাৰ ৫৬ ৰাষ্ট্রীয় ৰাইফলছৰ এটা টহলদাৰী দলক মহতীয়াই নিয়াৰ ফলত জোৱান তিনিগৰাকীৰ মৃত্যু হয়। প্ৰতিৰক্ষা বিভাগে সদৰী কৰে এই তথ্য ৷ মৃত্যু হোৱা তিনিগৰাকী জোৱান ক্ৰমে সৌভিক হাজৰা, মুকেশ কুমাৰ আৰু গাইকোৱাদ মনোজ লক্ষ্মণ ৰাও।
এই ভয়াবহ দুৰ্ঘটনাটোৰ বাবে শোক প্ৰকাশ কৰিছে জম্মু-কাশ্মীৰৰ উপ-ৰাজ্যপাল মনোজ সিনহাই ৷ এক টুইট যোগে শোক প্ৰকাশ কৰাৰ লগতে নিহত জোৱান তিনিগৰাকীৰ পৰম ত্যাগৰ বাবে জাতিটো সদায় ঋণী হৈ থাকিব বুলি মন্তব্য কৰে ৷
