ডিজিটেল নিউজ ডেক্স Anews24x7: জম্মু-কাশ্মীৰত পুনৰ নৃশংস হত্যাৰ বলি হ’ল আন এজন কাশ্মীৰী পণ্ডিত । মঙলবাৰে পুৱা জম্মু-কাশ্মীৰৰ চোপিয়ান জিলাত সন্ত্ৰাসবাদীয়ে গুলীয়াই হত্যা কৰে এগৰাকী হিন্দু পণ্ডিতক। চোপিয়ান জিলাৰ এখন আপেলৰ বাগিছাত কাম কৰি থকা অৱস্থাত সন্ত্ৰাসবাদীয়ে চলোৱা গুলীচালনাৰ ফলত দুজন লোক গুলীবিদ্ধ হয় ।
সন্ত্ৰাসবাদীৰ আক্ৰমণৰ বলি হোৱা ব্যক্তি দুজন ক্ৰমে সুনীল কুমাৰ আৰু তেওঁৰ ভায়েক পিণ্টু কুমাৰ । ইয়াৰে সুনীল কুমাৰৰ ঘটনাস্থলীতে মৃত্যু হয় । আহত ব্যক্তিজনক ইতিমধ্যে চিকিসাৰ বাৰে হাস্পতালত ভৰ্তি কৰোৱা হৈছে । জম্মু-কাশ্মীৰ আৰক্ষীয়ে সদৰী কৰিছে এই কথা ।
উল্লেখ্য যে, বিগত কেইটামান দিনত পুনৰ কাশ্মীৰী পণ্ডিতৰ ওপৰত আক্ৰমণ বৃদ্ধি হৈছে। ইয়াৰ মাজতে পুনৰ এই হত্যা কাণ্ডই দেশজুৰি চাঞ্চল্যৰ সৃষ্টি কৰিছে।
