অগ্নিবীৰ সকলৰে বাৰ্তালাপ প্ৰধানমন্ত্ৰী নৰেন্দ্ৰ মোদীৰ

ডিজিটেল ডেস্ক, ANEWS24X7: অগ্নিবীৰ সকলক সাক্ষাৎ প্ৰদানমন্ত্ৰী নৰেন্দ্ৰ মোদীৰ ৷ সোমবাৰে প্ৰধানমন্ত্ৰী নৰেন্দ্ৰ মোদীয়ে অগ্নিবীৰ সকলৰ সৈতে ভাৰ্চুৱেলি বাৰ্তালাপ কৰে ৷

সোমবাৰে অনুষ্ঠিত এই কাৰ্যসূচীত প্ৰধানমন্ত্ৰী নৰেন্দ্ৰ মোদীৰ লগতে , প্ৰতিৰক্ষা মন্ত্ৰী ৰাজনাথ সিং আৰু সেনাবাহিনীৰ বিষয়া সকল উপস্থিত থাকে ৷

উল্লেখ্য যে বিগত বৰ্ষত কেন্দ্ৰীয় চৰকাৰে অগ্নিপথ আঁচনি ঘোষণা কৰিছিল ৷ আৰু অগ্নিপথ আঁচনিৰ জড়িয়তে কেন্দ্ৰীয় চৰকাৰে অগ্নিবীৰ সকলক নিযুক্তি প্ৰদান কৰিছিল ৷ এই আঁচনিৰ অধীনত তিনিওটা বাহিনীত ১৭ বছৰৰ পৰা ২১ বছৰ বয়সৰ যুৱক যুৱতী সকলক নিযুক্তি প্ৰদান কৰা হৈছে ৷ অৱশ্যে ২০২২ বৰ্ষৰ বাবে বয়সৰ উৰ্ধসীমা ২৩ বছৰলৈ বৃদ্ধি কৰিছিল ৷