৫ আগষ্টত বীমা প্ৰতিষ্ঠানৰে আলোচনাত মিলিত হ’ব চৰকাৰ

কেবিনেট বৈঠকৰ অন্তত সংবাদমেল সম্বোধন কৰে মুখ্যমন্ত্ৰী হিমন্ত বিশ্ব শৰ্মাই। মুখ্যমন্ত্ৰীয়ে কয়, ‘‘বানত ক্ষতিগ্ৰস্ত লোকসকলে শীঘ্ৰেই ১৫,০০০ টকাকৈ সাহায্য লাভ কৰিব। জিলাসমূহত বৰ্তমান পৰ্যাপ্ত সাহায্য প্ৰদান অব্যাহত আছে। বানত ক্ষতিগ্ৰস্ত যান-বাহনৰ সঠিক ক্ষতিপূৰণ নিশ্চিত কৰাৰ উদ্দেশ্যে ৫ আগষ্টত চৰকাৰে বীমা কোম্পানীসমূহৰ সৈতে এক গুৰুত্বপূৰ্ণ বৈঠকত মিলিত হ’ব, যাতে ক্ষতিগ্ৰস্তসকলক ক্ষতিপূৰণ দিয়াৰ ক্ষেত্ৰত কোনো ধৰণৰ কৃপণালি কৰা নহয়। একেদিনাই বানপীড়িত লোকসকলক সহজতে ঋণ আৰু বিত্তীয় সাহায্য প্ৰদানৰ বাবে বিভিন্ন বেংক আৰু বিত্তীয় প্ৰতিষ্ঠানসমূহৰ (NBFC) প্ৰতিনিধিৰ লগতো চৰকাৰে আলোচনা কৰিব।’’