IMDৰ শেহতীয়া উপগ্ৰহ ছবিয়ে ইংগিত দিছে যে মৌচুমী বতাহ পুনৰ সক্ৰিয় হ’বলৈ গৈ আছে আৰু অহা কেইদিনমানত দেশৰ ১৮খন ৰাজ্যত বৰষুণ বৃদ্ধি পাব। বিভিন্ন অঞ্চলত ধাৰাসাৰ পৰা অতি ধাৰাসাৰ বৰষুণৰ সম্ভাৱনা আছে, যাৰ ফলত আর্দ্ৰ গৰমৰ পৰা কিছু সকাহ পোৱা যাব। এই ১৮খন ৰাজ্যৰ তালিকাত পশ্চিমবংগও অন্তৰ্ভুক্ত, আছে উত্তৰ-পূৰ্বাঞ্চলৰ ৰাজ্যও।বংগোপসাগৰত এটা Cyclonic Circulation গঠন হৈ আছে। ইয়াৰ প্ৰভাৱত ভাৰতীয় বতৰ বিজ্ঞান বিভাগে পশ্চিমবংগ, বিহাৰ আৰু উত্তৰ-পূৰ্বাঞ্চলৰ ৰাজ্যসমূহত অহা ৩–৪ দিন ধৰি প্ৰবলৰ পৰা অতি প্ৰবল বৰষুণৰ সতৰ্কবাণী জাৰি কৰিছে।
ইয়াৰ উপৰি মেঘালয় আৰু ছিকিমতো মুষলধাৰে বৰষুণ হোৱাৰ সম্ভাৱনা আছে। আনহাতে, দিল্লী, উত্তৰ প্ৰদেশ, হাৰিয়ানা, পঞ্জাব, ৰাজস্থানকে ধৰি উত্তৰ-পশ্চিম ভাৰত আৰু দক্ষিণ উপদ্বীপত মৌচুমী বৰষুণ তুলনামূলকভাৱে কম হ’ব বুলি আশা কৰা হৈছে।১৪ আৰু ১৫ জুলাই বিহাৰত ধাৰাসাৰ বৰষুণ হোৱাৰ সম্ভাৱনা আছে। ১৪ৰ পৰা ১৯ জুলাইলৈ পশ্চিমবংগ আৰু ছিকিমত, আৰু ১৪ৰ পৰা ১৭ জুলাইলৈ ঝাৰখণ্ডত ধাৰাসাৰ বৰষুণ হ’ব পাৰে। ১৯ জুলাইলৈ ঝাৰখণ্ডত একেধৰণৰ বৰষুণৰ বাবে সতৰ্কতা জাৰি আছে। বিহাৰতো ১৯ জুলাইলৈ ধাৰাসাৰ বৰষুণৰ লগতে প্ৰবল বতাহ বোৱাৰ সম্ভাৱনা আছে।
ৰথযাত্ৰা উপলক্ষে দক্ষিণবংগত ধাৰাসাৰ বৰষুণৰ আশংকা কৰা হৈছে। শনিবাৰলৈ দক্ষিণবংগত প্ৰবল বৰষুণৰ বাবে ‘হালধীয়া সতৰ্কতা’ (Yellow Alert) জাৰি কৰা হৈছে। উত্তৰ বংগোপসাগৰত অৱস্থিত Cyclonic Circulationৰ প্ৰভাৱত বুধবাৰৰ পৰা মাছমৰীয়াসকলক সাগৰলৈ নাযাবলৈ পৰামৰ্শ দিয়া হৈছে। দক্ষিণ বাংলাদেশৰ ওপৰত থকা Cyclonic Circulation এতিয়া উত্তৰ বংগোপসাগৰত অৱস্থান কৰিছে। উত্তৰ-পশ্চিম বিহাৰৰ পৰা মণিপুৰলৈ এটা নিম্নচাপ অক্ষৰেখাও বিস্তৃত হৈ আছে।
১৫ৰ পৰা ১৯ জুলাইলৈ পশ্চিম মধ্যপ্ৰদেশত আৰু ১৪ৰ পৰা ১৯ জুলাইলৈ ছত্তীশগড়ত ধাৰাসাৰ বৰষুণ হোৱাৰ সম্ভাৱনা আছে। পূব মধ্যপ্ৰদেশ আৰু বিদৰ্ভতো বৰষুণ হ’ব পাৰে। এই সময়ছোৱাত বজ্ৰপাত, বিজুলী-ঢেৰেকনি আৰু প্ৰবল বতাহ বোৱাৰো সম্ভাৱনা আছে।
